السلام عليكم ورحمة الله وبركاتة.
إزيكوا ياشباب أخباركوا إيه يارب تكونوا كلكوا بكل خير. طبعا عارفني أخوكوا أحمد؛ واحشني كتير والله واحشني بجد؛ كانت بجد فكرة جميلة فكرة المنتدي دي بحي عليها كل واحد شارك وفكر فيها، صدقا شباب الحجات إلي زي دى بتفرق معانا كتير جدا وإحنا في الغربة، إني أسمع خبر عن فلان أو أنا وصحابي كلنا بنتكلم مع بعض بنشارك بعض أوقاتنا الحلوة و...الحلوة بردوا ههههه.
عموما أحب أحي كل القائمين علي المنتدي العظيم دة وعلي فكرة دي أول مرة في حياتي أشترك في منتدي يعني إنتوا ليكوا السبق في حاجة زي دي وفي حجات كتيرة جاية إن شاء الله لحد متحققوا نجاح كبير جدا بإذن الله.
طبعا مش هقدر أقول إني ببعت تحية أو مساء أو حاجة من دى لأني مقدرش غير إني أبعت قلبي وروحي وعقلي وكل حاجة فيه لأغلي إنسان عندي في الدنيا أخوية عادل كشك إلي شرف أرض مصر كلها برجوعه ليها بالسلامة وبقله حمدا لله علي سلامتك ياأغلي أخ وصديق في الدنيا ويارب يسعدك وبندعيلك كلنا إن ربنا يتم عليك فرحتك بكل خير ياأغلي عادل في الدنيا.
أتمني إني مكنتش طولت عليككوا بس بجد دا من كتر حبي ليكوا ياشباب. بالتوفيق ومن نجاح لنجاح وربنا معاكوا إن شاء الله.
أخوكوا أحمد عبدالعظيم